| <開鋪不知到第幾天>
1號晚同ally去了看叱吒~!!! 超開心超興奮 
2號返埋工就直接從上水搭港鐵過關
3號-6號 回家的時間很開心很舒服..... 實在太愛太愛我的family 
這次很快就完成了探親任務
然後仲有時間見下師兄、Triangel
師兄和中學同學一齊打本開咗間小鋪 買無添加即叫即製飲品
就像臺灣滿街都是的那種
鋪頭很小 裏面用乾淨的白色和愉快的淡黃色佈置 新上的油漆味道還沒有散去
自己小時候是不是也希望擁有一間小鋪呢? 花鋪或咖啡店
那些是兒時的夢
看著師兄和他的同伴忙乎的樣子 卻有種很踏實的感覺 和微妙的感動
之後呢...竟然仲意外地同嘉傑、嘉儀 gathering!!!!
5年無見.... 大家都無點變呀~~嘉傑依然好鬼死風趣.....哈哈!!
最後尋晚仲同姑姐、阿姨、表哥、表弟、媽咪去睇<阿凡達>~!!!!
大家都覺得好好睇!!!
有邊個未睇我可以陪佢睇多次呀~~~~~!!!!
呢幾日怒食怒訓...個個都怒塞野俾我食...haha
今日金句：肥到走曬樣~ by 杰杰
聼日又返工了~~~ 好掛住杰杰d勁9嘅玩笑~!
佢讓我深深感受到咩係9.....係令我會指住佢個鼻話佢9嗰種
大學4年都無用過呢個數字形容人地.....
23年黎都未試過講"狗"呢個字講gum多次......
いぬ 人~! hahahha XD
|
| |
| <Day 11 - the last day of 2009>
Day Off !!
其實今天不累 但Johnny還是安排了我放假 (好讓我1月1日可以返工)
就當是bonus的假期吧~~
結果訓到3點3....!! 訓醒望下表都嚇親 (ZooZ)
夜晚有點想去elements倒數
舊年同7-up一齊食飯&去elements海邊看煙花 好凍但好開心
眨眼就一年
最後都無去到 出了沙田買喂業主用的小食 食完晚飯就回來
新城市不愧為人流最旺的商場
站在5樓趴在欄杆往下望 人流來來往往
好開心攬住snoopy的小朋友 緊隨他們的爸爸媽媽 站在一旁看的爺爺嫲嫲
看著別人一家合照 忽然眼睛很濕
足足3個月 過兩天我也回家
還看到stand-by的清潔姐姐 拖呢度 拖嗰度
令我諗起翔龍灣廣場洗手間的50幾60嵗的清潔姐姐
從10am至10pm 就是杵在洗手間裏面清潔、抹到乾乾淨淨
她們也很想回家和家人倒數吧!
想到這裡我的眼淚就乾了
沒有什麽委屈的 比我更辛苦更艱難的人多的是
無得看實地煙花 就看電視版吧~
雖然只是一個人在家看著電視機 但也被璀璨的焰火和歡快的伴奏感染
香港人2009年經歷那麽多風風雨雨
希望來年大家臉上的笑容都多一點、對身邊的人都寬容一點
世界也會美好一點
如果<2012>裏面的情節真會發生 那麽我們就只剩下兩年
珍惜身邊的人 珍惜擁有的經歷和故事 珍惜機會 珍惜時間!
p.s. 謝謝ally的邀請 =) wht a surprise~!
Happy 2010~!
|
| |
| <開鋪 Day 9>
嗯...做嘅都係個d野啦 無咩特別新意
但係抽了好些時間做翔龍灣野
因爲翔龍又係時候review budget同申請project extension
幫手draft下email 信來信往
不過呢 Johnny同Leo真係兩位風格很截然不同的經理
好似今朝gum
d人踏正九點先返、兩個part-time病假、一個part-time失蹤
清潔姐姐又遲咗洗塵 開briefing先嘈住曬
又要等PSO Amanda過黎一齊B.....
俾著Leo, 就一早開罵
"每人遲3分鐘 10個人就遲咗30分鐘"
但Johnny只係呻兩句
Johnny始終係爸爸 Leo就係嚴格的coach
回想早前返亮賢 佢仲刻意唔洗我做文件/上樓 要我mon住全部人
一見到d細嘅有咩做得唔啱就話我
連我返入back office飲啖水都督住叫我快d企返出去
e+跟Johnny 大部分時候我都係坐喺後欄
除非有d突發事件我先衝出去
遲d天匯跟Jerry 雖然唔係經理 但又係一位第三種性格的senior
令我諗起metro的力筆從心 如何了解你的上司、和他相處
講得好啱 那日的專欄我copy咗落
今日金句：我有十萬，一尺天匯呀唔該 (by Ryan)
哈哈 我笑返喇
.........................................................................................
p.s. 如果我係男仔 我一定會錫曬妳
但我唔係呀..... 所以妳要好好照顧自己、錫曬自己 唔係我就心痛死喇 ><
(巨心) |
| |
| <Day 6>
很清閒 晨早ko 10點的booking 就開始hea
不過阿姐空降 提點了我們好些注意事項
不能怠慢呢
而且星期天必須開鋪.... 結果麻煩杰杰 & Toman幫我看鋪
我放假喇....
<Day 7>
DAY OFF!!
...............................................................................
Ally, Sally, Miss Chan Chan 三個火星人駕到
夜闖我家放火!!
在客廳拉開sofa鋪床 5個人堆在一起聊天打鬧~
哈哈哈..... 好開心...好開心好開心 =)
7樓的女孩子總是很特別的
很爽朗很坦率、很多鬼點子、很獨立很有個性、很需要自己的空間
内裏其實都頗堅強 不願讓人看到自己的軟弱
或者說... 面對困難都喜歡自己思考自己解決、苦楚都習慣自己承受
就算blog寫得多不開心 眼淚都是在沒有人看到時流
往往見面時臉上又都挂著笑容
聚在一起又可以玩得很低B、喜歡搞爛gag~
哈哈~
我們並不是那種很熟很熟很熟的朋友
但我們以7-UP的名義結合成爲特別的一群 
i am 7-up girl~ i love you all
|
| |
